Feeds:
Posts
Comments

Archive for March, 2008

Coheleth: 2:10

2:10 Et omne desiderato de meo oculos non e es negato de me: me non e prohibe meo corde de fruere omne voluptate, et in omne res praepareto de me: et tunc illo es meo parte, facto de meo labore.

Advertisements

Read Full Post »

2:7 Me e posside servos mas et femina, et etiam magno familia: et greges de boves et oves, plus multo quam omne ante me in Hierusalem.

2:8 Me e collige ad me argento et auro, et substantias de reges et provincias: me e fac cantores mas et femina, et delectationes de filios de homo, quale instrumentos de musica, et illos de omne species.

2:9 Tunc me e supera in divita omne ante me in Hierusalem: meo sapientia etiam perseverante cum me.

Read Full Post »

2:4 – Tunc me crea magnifico operas, aedifica domos, planta vineas,

2:5 – Me tunc fac hortos, pomerios, et in illos me e fac omne generes de arbores,

2:6 – Et me e crea piscinas de aqua, ab que veni aqua pro ligno ab arbores crescente,

Read Full Post »

1:18 Nam in multo sapientia es multo indignatione: et illo que adde scientia adde et labore.

Capitulo 2

2:1 Me e dic in meo corde: me vol vade, pro afflue cum delectationes, et bono res. Et me tunc vide que illo etiam es vanitate.

2:2 De risu me e dic: Es insania. Et ad festivitate: Que bono veni de illo?

2:3 Me e cogita in meo corde, que me vol da me ipso ad vino, sed cognoscente sapientia in meo corde, et etiam vol prehende stultia, pro vide que es utile ad filios de homo et que illos debe fac sub sol, in toto dias de suo vita.

Read Full Post »

1:14 Me e vide omne res facto sub sol, et ecce toto es vanitate et afflictatione de spiritu.

1:15 Illo que es curvo non pote es facto recto, et illo que defice non pote es numerato.

1:16 Tunc me dic in meo corde, dicente: ecce, nunc me fi magno, et me es plus sapiente quam omne ante me in Hierusalem, et meo mente e contempla multe res in mente sapiente, et me fi sapiente.

1:17 Et meo corde es dato ad prudentia, et doctrina, errores, et stultia: et me agnosce que in illos etiam es labore et afflictatione de spiritu.

Read Full Post »

Correctiones accepto.

1:8 Toto res es difficile: homo non pote explica illos cum verbos. Oculo non es saturo cum visu, nec aure cum auditu.

1:9 Illo que nunc es, es illo que es in futuro,  et illo que es facto, es illo que in futuro es facto.

1:10 Nihil sub sol es novo, nec pote ullo dic: Ecce, hoc re es novo: illo jam vade in seculos que e es ante nos.

1:11 Non es memoria de res priore: nec memoria de res que es in futuro, de illos no i es ullo recordatione apud illos qui veni novo in futuro.

1:12 Me, Coheleth, e es rege super Israhel in Hierusalem.

1:13 Et tunc me proposi in anima meo que me vol quare et investiga in modo sapiente de omne re que es facto sub sol. Deo da hoc pessimo occupatione ad filios de homo, qui es occupato de illo.

Read Full Post »

Correctiones accepto.

1:1 Verbos de Coheleth, filio de David, rege de Hierusalem.
1:2 Vanitate de vanitates, dic Cohelet: vanitate de vanitates, toto es vanitate.
1:3 Que plus habe homo de toto suo labore, que illo labora sub sol?
1:4 Generatione praeteri et generatione veni, sed terra sta in aeternitate.
1:5 Sol ori et sol occide, et reveni ad suo loco, et ibi iterum renasce.

1:6 Vento gyro ad meridie et de novo flecte septentrionale; vento lustra toto loco circum illo, et illo reveni ad suo circuitu.

1:7 Omne fluvio intra mare, sed mare non redunda: ad loco ab ubi veni fluvios, illos reveni, et iterum flue.

Read Full Post »